د امام حسین علیه السلام په حرم کې د قرآن د اوچتولو دستورې ترسره شوې
ایکنا د حسینی آستان د اطلاع رسونې له قوله راپور راکړ،دغه آستان د قرآن کریم د نسخې د سوځولو جنایت ته چې په همداوروستیو کې پيښ شوی ، ځانګړی پام کوي او دمحرم په لومړۍ شپه به د خدای د آسماني کتاب په ملاتړ کې د قرآن په اوچتولو سره پراخ فعالیتونه ترسره کړي.
العبایجی په دغو دستورو کې د پراخ شتون او ورته دخبری پوښښ غوښته وکړه او وې و ئيل، په دې لړ کې به لاریونونه هم ترسره شي او په حسنی مقدس حرم کې به د محرم په لومړۍ شپه په سویډ کې د مقدساتو په ضد د بوږنونکي جنایت باندې په اعتراض کې د قرآن د اوچتولو ولولناکې دستورې ترسره شي.
هغه همداراز دعراق په داخل او بهر کې له درستو کلتوري مرکزونو او مسلمانانو ، ټولنیزو چینلونو او رسندویوڅخه د مسلمانانو او اسلام د سپکاوي کونکو باندې په اعتراض کې ددغې پيښې د خبری پوښښ او غوښته وکړه. هغه ټينګار وکړ، مونږ په حسیني مقدس آستان کې دعراق ددیني مرجع آیت الله سیستاني ددفتر داعلامیې او د الهي مقدساتو او قرآن د سپکاوي په باب دملګروملتو سرمنشي آنتونیو ګوتریش ته د هغه د لیک د لیږلو په لړ کې ګام پورته کوو.
